ຫວຽດນາມ ສະເຫຼີມສະຫຼອງ 70 ປີວັນສ້າງຕັ້ງຂະແໜງຮູບເງົາປະຕິວັດ
ສຳນັກຂ່າວຫວຽດນາມນິວລາຍງານວັນທີ 17 ມີນານີ້ວ່າ: ຫວຽດນາມໄດ້ຈັດພິທີສະເຫຼີມສະຫຼອງ 70 ປີວັນປະທານໂຮ່ຈີມິນ ເຊັນລັດຖະບັນຍັດສ້າງ ຕັ້ງຂະແໜງຮູບເງົາປະຕິວັດຫວຽດນາມ (15-3-1953/15-3-2023) ໂດຍການເຂົ້າຮ່ວມຂອງ ທ່ານ ຫງວຽນຈ້ອງເຫງ້ຍ ເລຂາທິການສູນກາງພັກ ຫົວ ໜ້າຄະນະໂຄສະນາສຶກສາສູນກາງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ຫງວຽນຈ້ອງເຫງ້ຍ ໄດ້ຊົມເຊີຍຖັນແຖວນັກສິລະປິນ, ບັນດາຜູ້ທີ່ເຮັດ ວຽກໃນຂະແໜງຮູບເງົາທົ່ວປະເທດ, ຍ້ອງຍໍຊົມເຊີຍບັນດາຜົນງານຂອງການປະຕິວັດຫວຽດນາມ ທີ່ບັນລຸໄດ້ໃນ 70 ປີຜ່ານມາ. ພ້ອມທັງເນັ້ນໜັກໃຫ້ ເພື່ອສືບຕໍ່ປະກອບສ່ວນພັດທະນາພາລະກິດຮູບເງົາຕາມເຈດຕະນາລົມຂອງ ທ່ານປະທານ ໂຮ່ຈີມິນ ບົນຈິດໃຈເຊື່ອມຊຶມແນວທາງວັດທະນະທຳ-ສິລະປະ ຂອງພັກ, ຂະແໜງຮູບເງົາຄວນແກ້ໄຂບັນດາຂໍ້ຈຳກັດ, ຍູ້ແຮງວຽກງານຄຸ້ມຄອງລັດ ກໍຄືວຽກງານສະມາຄົມ, ເສີມຂະຫຍາຍຄວາມສາມາດບົ່ມຊ້ອນຫົວ ຄິດປະດິດສ້າງ, ຈິດໃຈຮັບຜິດຊອບຂອງພະນັກງານ, ສະມາຊິກສະມາຄົມ. ໃນຕໍ່ໜ້ານີ້, ສະມາຄົມຮູບເງົາຫວຽດນາມ ຄວນປະຕິບັດບົດບາດໄຈ້ແຍກຕີລາ ຄາສັງຄົມ, ສະເໜີຄວາມເຫັນກັບອົງການຄຸ້ມຄອງເພື່ອສືບຕໍ່ແກ້ໄຂບັນດາຄວາມຫຍຸ້ງຍາກ, ຂໍ້ຫຍຸ້ງຍາກຂອງຂະແໜງຮູບເງົາ. ກະຊວງວັດທະນະທຳ, ກິລາ ແລະ ທ່ອງທ່ຽວສືບຕໍ່ຫັນບັນດາມະຕິຂອງພັກກ່ຽວກັບວັດທະນະທຳ, ວັນນະຄະນະດີ-ສິລະປະເປັນກົດບັນຍັດ, ຜັນຂະຫຍາຍການປະຕິບັດກົດໝາຍວ່າ ດ້ວຍຮູບເງົາ, ປະຕິບັດຍຸດທະສາດວາງແຜນກຳນົດເປັນຢ່າງດີ ແລະ ພັດທະນາຮູບເງົາ ເພື່ອແນໃສ່ສ້າງສາ, ພັດທະນາພື້ນຖານອຸດສາຫະກຳຮູບເງົາຫວຽດ ນາມ ຕາມທິດທັນສະໄໝ, ຮັບປະກັນສີສັນຂອງຊາດ, ຕອບສະໜອງຄວາມຕ້ອງການກ່ຽວກັນຊີວິດທາງວັດທະນະທຳ, ຈິດໃຈຂອງປະຊາຊົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/03/2023